Pas disa grindjeve të përsëritura me motrën, vëllai godet për vdekje me thikë motrën Alice Scagni, në via Nicola Fabrizi në Quinto të Italisë.
Burri i saj ishte i pari që e ndihmoi dhe i tregoi policisë identitetin e vrasësit të dyshuar: do të ishte vëllai i viktimës, Alberto Scagni, 42 vjeç, i papunë.
Oficerët e policisë, të cilët kishin mbërritur tashmë në zonë pasi kishin marrë disa denoncime, u vunë në gjurmët e tij në një distancë të shkurtër nga vendi i krimit, pranë Osteria del Bai, në Quarto.
Sipas ndërtimit të ngjarjes nga hetuesit, Alberto Scagni, i cili prej disa kohësh vuante nga shqetësime mendore dhe fizike, autori mbërrin në shtëpinë e motrës rreth orës 21.30. Kohët e fundit marrëdhëniet mes të dyve kanë qënë të tensionuara, diskutimet po bëheshin gjithnjë e më të shpeshta.
Alberto Scagni dëshirontë të fliste me çdo kusht. Përplasja, një tjetër prej disa kohësh, ndodh përsëri në rrugë. Diskutimi është në vazhdim, 42-vjeçarja bërtet, është shumë e shqetësuar.
Në orët e mëparshme në rrjetet sociale, autori ka lënë disa mesazhe shqetësuese për miqtë dhe të njohurit. Mesazhe të cilat, në dritën e asaj që ndodhi, kishin shfaqur një trazirë të brendshme. Në fakt, të paktën një person, duke iu përgjigjur kërkesës së tij të hutuar, e kishte pyetur nëse ishte mirë.
Ndërkohë në via Fabrizi situata u përkeqësua. Fqinjët, të alarmuar nga britmat, telefonojnë 112. Nga komisariati niset një patrullë dhe ende pa mbërritur agjentët, Alberto Scagni nxjerr një thikë nga xhepi. Dhe, në grahmat e një furie të papërmbajtshme, ai e përdor atë, duke goditur disa herë motrën e tij.
Alice Scagni bie në tokë, në një pellg gjaku. Burri nxiton i dëshpëruar, por lëndimet janë shumë të rënda. Kur mbërrin stafi i 118-ës, për fat të keq, nuk ka më asgjë për të bërë.
Dedektivët e policisë hetojnë krimin. Gjatë natës policët mblodhën dëshminë e bashkëshortit të viktimës dhe disa fqinjëve të viktimës. Prokurori e ka pyetur gjatë në komisariat autorin e krimit dhe për momentin Alberto Scagni duket se është në paraburgim.
Në orët në vijim, magjistrati do të caktojë një mjek për të kryer autopsinë. Nga ekspertiza fillestare e autopsisë, e kryer në vendngjarje, tashmë ka dalë një pasqyrë e qartë e dinamikës së vrasjes: viktima dyshohet se është plagosur me disa goditje në pika të ndryshme të trupit.
