Kremlini nuk pranoi që të komentonte sot mbi përparimin e të ashtuquajturit “operacion special ushtarak” rus në Ukrainë. “Nuk mendoj se është koha për të përmbledhur rezultatet e operacionit ushtarak, duhet të presim përfundimin e operacionit”, bëri me dije zëdhënësi i Kremlinit Dmitry Peskov në një konferencë me gazetarët.
Ushtria ruse ka pranuar viktimat, por nuk ka dhënë shifra të sakta. Pushtimi i Moskës ka hasur një rezistencë “më të ashpër se sa pritej” nga ushtria ukrainase, si dhe vështirësi të papritura në furnizimin e forcave të saj, i përcollën CNN ditën e dieshme dy zyrtarë të lartë amerikanë.
Numri i fundit i vdekjeve të civilëve në Ukrainë është 102 persona, me 304 vet të plagosur, por shifra e vërtetë dyshohet të jetë “dukshëm më e lartë”, tha ditën e sotme Michelle Bachelet e OKB-së.
Mes viktimave janë edhe shtatë fëmijë, shtoi ai: “Shumica e këtyre civilëve u vranë nga armë shpërthyese me një zonë të gjerë ndikimi, duke përfshirë granatimet nga artileria e rëndë dhe sistemet e raketave me shumë lëshime, dhe sulmet ajrore.”
Sipas Bachelet, 422,000 njerëz janë larguar nga Ukraina, ndërsa civilë të tjerë ende në vend janë “të detyruar të grumbullohen në forma të ndryshme strehimoresh kundër bombave, si stacionet e nëndheshme, për t’i shpëtuar shpërthimeve”.
