Në mledhjen e sotme në KQZ po shqyrtoheshin listat shumëemërore të kandidatëve për deputetë për zgjedhjet parlamentare të 18 qershorit për 9 subjekte politike.
Pas rrëzimit me votë nga katër anëtarët e mazhorancës të propozimit të nënkryetarit të KQZ, Hysen Osmanaj për shtyrjen me 24 orë të shqyrtimit të listave të 5 partive, anëtarët e opozitës janë larguar nga mbledhja.
Osmanaj tha gjatë mbledhjes se “materialet na kanë ardhur në orën 16:00 dje ose më vonë, më rezultojnë se kanë parregullsi të mëdha. Propozoj që 5 parti të mos i kalojmë sot. Të kalojmë partitë që nuk kanë lista mbështetëse, Partinë Socialiste, Partinë Kristian Demokrate, Aleancën Popullore për Drejtësi dhe Partinë Socialdemokrate. Kemi 48 orë afat, pra kemi afat edhe nesër për ti verifikuar”.
