Komisioni Qëndror i Zgjedhjeve do të vendosë sot për mandatin e deputetit të Partisë Socialiste, Armando Prenga.
Prokuroria e Përgjithshme kërkoi heqjen e mandatit për deputetin Prenga si dhe regjistroi hetim penal kundër Komisionit Qendror të Zgjedhjeve, gjë që çoi në përplasje mes dy institucioneve.
Sipas prokurorisë rezulton që Prenga nuk ka deklaruar:
-Një dënim të formës së prerë, dhënë nga Gjykata e Rrethit Gjyqësor Kurbin, për veprën penale të “Falsifikimit të dokumenteve”, me 450 000 lekë gjobë
-Faktin që rezulton me precedentë penalë në shtetin italian për vjedhje pasurish, falsifikime në përgjithësi, marrje të pasurisë së vjedhur, deklarata për identitet të rremë në vitet 1996-1997 në qytetin e Milanos.
Këto të dhëna janë konfirmuar nga komunikimi zyrtar me autoritetet italiane.
