Vendimi i KQZ-së për të shtyrë procesin zgjedhor me një orë ka shkaktuar një kaos të vërtetë nëpër qendrat e votimit në Shqipëri. Shumica e qendrave të votimit nuk e kanë marrë në kohë informacionin dhe kanë nisur procedurën për mbylljen e qendrave të votimit. Në Dibër janë mbyllur shumica e kutive të votimit që do të thotë se vendimi i KQZ-së nuk ka marrë asnjë vlerë.
Ndërkohë që në ato qendra votimi që vazhdojnë të mbeten të hapura, nuk ka më votues. Shtyrja me një orë e procesit të votimit, ka ndikuar edhe në rritjen e tensioneve ndërmjet militantëve të partive politike, atje ku përgjatë gjithë ditës ka pasur tensione si në Lezhë, Kukës, Durrës etj. Shtyrja e zgjedhjeve në këtë mënyrë nuk ka ndodhur në asnjë proces zgjedhor.
