Komisioni Qendror i Zgjedhjeve ka shpërndarë ditën e sotme fondet vjetore për partitë politike në vend.
Ilirjan Celibashi ka bërë me dije se fondi total për vitin 2023 është 245 milionë lekë.
Si forca që mori numrin më të madh të votave në zgjedhjet e fundit parlamentare, Partia Socialiste përfiton pjesën më të madhe të ‘tortës financiare për vitin 2023’. Sipas vendimit të Komisionit Qendror të Zgjedhjeve, selia rozë përfiton rreth 151.5 milionë lekë.
Partia Demokratike arkën e së cilës aktualisht e menaxhojnë Enkelejd Alibeaj dhe Gazment Bardhi, merr mbi 104 milionë lekë. Berisha mban vetëm ‘Shqup-in’, paratë shkojnë te Selia e re përballë Gjykatës Kushtetuese.
Por arka e ish-LSI, tashmë Partia e Lirisë do të jetë më e shfryrë, për shkak se në zgjedhjet parlamentare të 2021 mori më pak vota se në 2017. Për 2023, Partia Lirisë përfiton vetëm 15.577 mijë lekë.
Janë në total 11 parti që përfitojnë nga fondi vjetor prej 345.6 milionë lekësh, mes të cilave edhe “Nisma Thurje” e vetmja forcë politike që në zgjedhjet e 25 prillit 2021 nuk siguroi dot një mandat deputeti.
“KQZ merr në referimin fotografinë e parë të konfigurimit të kuvendit të Shqipërisë pavarësisht se gjatë legjislaturës konfigurimi i partive politike në kuvend mund të ndryshojë, por në interpretim korrektë të ligjit duhet t’i qëndrohet rezultatit të dalë nga zgjedhjet të përkthyer në numër mandatesh”, tha Celibashi në mbledhjen e sotme.
Viti zgjedhor i jep atyre mundësinë të përfitojnë para edhe për fushatën elektorale për bashkitë, përfshirë edhe PD, të cilën bojkoti i zgjedhjeve të 2019 nuk do ta penalizojë për paratë.
Fondi do të shpërndahet si më poshtë:
PS: 151 milionë lekë
PD: 106 milionë lekë
PL: 15 milionë lekë
PSD: 12 milionë lekë
PR: 11 milionë lekë
PDIU: 9 milionë lekë
PBDNJ: 8 milionë lekë
PAA: 8 milionë lekë
LZHK: 8 milionë lekë
PLL: 8 milionë lekë
Nisma Thurje: 6 milionë lekë
Fondet vjetore nuk do të jenë të vetmet që do të përfitojnë palët politike. Komisioni i Ekonomisë dhe Financave miratoi të martën fondin prej 100 milionë lekësh për financimin e partive politike në zgjedhjet vendore të 14 Majit.
Në zgjedhjet vendore të 2019, fondi ishte 65 milionë lekë, ndërsa në zgjedhjet e përgjithshme të 2021 ka qenë 130 milionë lekë. Fondi do të do të llogaritet sipas rezultatit të zgjedhjeve të 2015-s, kjo për shkak të një neni kalimtar në Kod Zgjedhor, i cili detyron llogaritjen në bazë të këtyre zgjedhjeve, ndërkohë që normalisht do të duhej të ishte llogaritur vota e zgjedhjeve pararendëse të të njëjtit lloj.
Komisioni Qendror i Zgjedhjeve ka shpërndarë ditën e sotme fondet vjetore për partitë politike në vend.
Ilirjan Celibashi ka bërë me dije se fondi total për vitin 2023 është 245 milionë lekë.
Si forca që mori numrin më të madh të votave në zgjedhjet e fundit parlamentare, Partia Socialiste përfiton pjesën më të madhe të ‘tortës financiare për vitin 2023’. Sipas vendimit të Komisionit Qendror të Zgjedhjeve, selia rozë përfiton rreth 151.5 milionë lekë.
Partia Demokratike arkën e së cilës aktualisht e menaxhojnë Enkelejd Alibeaj dhe Gazment Bardhi, merr mbi 104 milionë lekë. Berisha mban vetëm ‘Shqup-in’, paratë shkojnë te Selia e re përballë Gjykatës Kushtetuese.
Por arka e ish-LSI, tashmë Partia e Lirisë do të jetë më e shfryrë, për shkak se në zgjedhjet parlamentare të 2021 mori më pak vota se në 2017. Për 2023, Partia Lirisë përfiton vetëm 15.577 mijë lekë.
Janë në total 11 parti që përfitojnë nga fondi vjetor prej 345.6 milionë lekësh, mes të cilave edhe “Nisma Thurje” e vetmja forcë politike që në zgjedhjet e 25 prillit 2021 nuk siguroi dot një mandat deputeti.
“KQZ merr në referimin fotografinë e parë të konfigurimit të kuvendit të Shqipërisë pavarësisht se gjatë legjislaturës konfigurimi i partive politike në kuvend mund të ndryshojë, por në interpretim korrektë të ligjit duhet t’i qëndrohet rezultatit të dalë nga zgjedhjet të përkthyer në numër mandatesh”, tha Celibashi në mbledhjen e sotme.
Viti zgjedhor i jep atyre mundësinë të përfitojnë para edhe për fushatën elektorale për bashkitë, përfshirë edhe PD, të cilën bojkoti i zgjedhjeve të 2019 nuk do ta penalizojë për paratë.
Fondi do të shpërndahet si më poshtë:
PS: 151 milionë lekë
PD: 106 milionë lekë
PL: 15 milionë lekë
PSD: 12 milionë lekë
PR: 11 milionë lekë
PDIU: 9 milionë lekë
PBDNJ: 8 milionë lekë
PAA: 8 milionë lekë
LZHK: 8 milionë lekë
PLL: 8 milionë lekë
Nisma Thurje: 6 milionë lekë
Fondet vjetore nuk do të jenë të vetmet që do të përfitojnë palët politike. Komisioni i Ekonomisë dhe Financave miratoi të martën fondin prej 100 milionë lekësh për financimin e partive politike në zgjedhjet vendore të 14 Majit.
Në zgjedhjet vendore të 2019, fondi ishte 65 milionë lekë, ndërsa në zgjedhjet e përgjithshme të 2021 ka qenë 130 milionë lekë. Fondi do të do të llogaritet sipas rezultatit të zgjedhjeve të 2015-s, kjo për shkak të një neni kalimtar në Kod Zgjedhor, i cili detyron llogaritjen në bazë të këtyre zgjedhjeve, ndërkohë që normalisht do të duhej të ishte llogaritur vota e zgjedhjeve pararendëse të të njëjtit lloj.
