Komisioni Qëndror i Zgjedhjeve ka emëruar anëtarët e Komisionit Zonal të Administrimit të Zgjedhjeve dhe sekretarit për zgjedhjet e 11 shtatorit në Bashkinë e Dibrës.
Mbledhja e KQZ-së u zhvillua me 5 anëtarë, në mungesë të dy anëtarëve të djathtë të komisionit.
Sipas shortit të hedhur në mbledhjen e shkuar të KQZ, do të jetë opozita e cila do ketë shumicën në Komision.
KZAZ e Dibrës do ketë 4 përfaqësues nga opozita, përkatësisht 3 nga PD dhe 1 nga PR. Shumica do ketë 3 anëtarë, 2 të PS dhe 1 të LSI. Edhe Sekretari do jetë nga radhët e PS, por nuk ka të drejtë votë.
Zgjedhjet në Bashkinë e Dibrës do të mbahen pas shkarkimit të ish-kryetarit Shukri Xhelili, i cili u bë pjesë e një videoskandali ku kërkonte favore seksuale në këmbim të një vendi pune.
