KQZ-ja miraton vendimin, ja si do të ndahen 140 milionë lekë për partite politike

KQZ-ja ka miratuar ditën së sotme Projektvendim “Për shperndarjen e fondeve vjetore partive politike në formën e ndihmës financiare vjetore për vitin 2021”.

Fondi në total kap shifrën e 140 milionë lekë të reja. Nga ky fond përfitojnë edhe partitë opozitare të cilat dogjën mandatet, pra PD dhe LSI.

Sipas fondit, Partia Socialiste përfiton 63 milionë lekë, më shumë nga të gjitha, me PD-në në vend të dytë me 38 mln lekë, LSI-në në vend të tretë me 20 mlnë lekë, dhe PDIU 7 mln lekë.

Rendi i ditës të seancës së sotme:

1. Projektudhëzimin “Për procedurat e akreditimit dhe rregullat e vëzhgimit të zgjedhjeve nga organizatat joqeveritare shqiptare dhe të huaja, organizatat ndërkombëtare, përfaqësues të shteteve të huaja, mediave dhe subjektet zgjedhore”;
2. Projektudhëzimin “Për caktimin e kritereve për përzgjedhjen e monitoruesve, procedurën, emërimin dhe objektin e monitorimit”;
3. Projektvendim “Për shperndarjen e fondeve vjetore partive politike në formën e ndihmës financiare vjetore për vitin 2021”;
4. Projektvendim “Për rregjistrimin e nismës ligjvënëse të zgjedhësve në Republikën e Shqipërisë për krijimin e rregjistrit kombëtar të autorëve të krimeve seksuale”;
5. Projektvendim “Për emërimin e kryetarëve dhe zëvendëskryetarëve te KZAZ-ve”.