Edhe pse Komisioni Qendror i Zgjedhjeve i refuzoi kërkesën për t’u regjistruar si subjekt politik, Arlind Qori, drejtuesi i “Lëvizja Bashkë” tha se do të marrin pjesë në zgjedhjet e 14 majit.
Qori u shpreh se vendimi do të apelohet në KAS ose Kolegjin Zgjedhor, dhe se do të vijojnë me mbledhjen e firmave që ai të kandidojë si i pavarur për Bashkinë e Tiranës.
“Komisioni Qendror i Zgjedhjeve sot lau duart si Pons Pilati dhe bëri një nga atentatet më të rrezikshme ndaj demokracisë dhe pluralizmit në këto 30 vitet e fundit. Ky mund të jetë haraçi që Lëvizja BASHKË duhet të paguajë sepse ka qenë kundër të gjithë elitës politike dhe ekonomike të Shqipërisë.
Po kjo nuk na bën të dorëzohemi. Lëvizja BASHKË do të jetë pjesë e zgjedhjeve të 14 majit, pavarësisht maliqëve dhe maliqërisë së të gjithë të pushtetshmve e të korruptuarve të sotëm.
Ne do të jemi në zgjedhjet e 14 majit, sepse siç ju thashë ka akoma faza të apelimit të këtij vendimi skandaloz. Ne kemi një farë shprese se ose KAS-i ose Kolegji Zgjedhor do jetë minimalisht i arsyeshëm dhe minimalisht në respekt të gërmës dhefrymës së ligjit sa për të regjistruar ‘Lëvizja Bashkë’.
Ne vazhdojmë mbledhim firma, u bëjmë thirrje qytetarëve të vijnë të firmosin për ‘Lëvizja Bashkë’ dhe kandidimin tim për Bashkinë e Tiranës”, theksoi ai.
The post KQZ i refuzoi, Qori nuk dorëzohet: Do regjistrohemi në zgjedhje appeared first on 27.
