Presidenti i Kosovës, Hashim Thaçi, dhe homologu i tij nga Mali i Zi, Filip Vujanoviç kanë dalë me një deklaratë të përbashkët për ratifikimin e marrëveshjes së Demarkacionit. Lajmin e ka bërë të ditur presidenti Thaçi, përmes një konference për mediet.
Edhe kryeministri Ramush Haradinaj ka uruar qytetarët e Kosovës për marrëveshjen mbi Demarkacionin.
“Deklarata e përbashkët e Presidentit të Republikës së Kosovës, Hashim Thaçi, dhe Presidentit të Republikës së Malit të Zi, Filip Vujanoviç, në formën e marrëveshjes si instrument ligjor detyrues ndërkombëtar, i jep fund një paqartësie dhe ndarjeje të gjatë në shoqërinë tonë. Me këtë po përfundojmë detyrimin e fundit për liberalizimin e vizave dhe po hapim një kapitull të ri në lirinë e lëvizjes për qytetarët tonë”, ka shkruar Haradinaj në Facebook.
