Autoritetet kosovare të drejtësisë kanë shpallur në kërkim 57 të dyshuar serbë për krime lufte në Kosovë
Kërkesat për arrestim ndërkombëtar të tyre janë lëshuar me vendim të gjyqtarëve të procedurës paraprake të EULEX-it dhe gjyqtarëve vendës pasi dyshohen se gjatë viteve 1998-1999 kanë kryer krime lufte kundër popullatës civile.
“Gjithsej 50 raste janë të transferuara nga EULEX-i tek prokurorët vendorë. Prej tyre, të arkivuara janë dy raste me dy persona, të pezulluara janë njëzetë 20 raste me 112 persona”, ka thënë për Insajder Ekrem Lutfiu, zëdhënës në Prokurorinë Speciale të Republikës së Kosovës.
Ai ka bërë të ditur se dymbëdhjetë raste me dyzetepesë persona janë në fazën preliminare të hetimeve. Ndërkaq, hetimet janë pushuar në 13 raste me nëntëmbëdhjetë persona të dyshuar.
Letër rreshtimet ndërkombëtare obligojnë secilin shtet që nëse takojnë këta të dyshuar, t’i ndalojnë dhe t’i njoftojnë autoritetet kosovare, të cilat pastaj fillojnë procedurat e ekstradimit në Kosovë. /Insajderi/
