Prishtina i ka ndaluar hyrjen drejtorit të Zyrës për Kosovën në Qeverinë e Serbisë, Petar Petkoviç, për shkak të siç thuhet, pavarësisht se ai në vazhdimësi ka dhënë garanci se do të përmbahet nga deklaratat nxitëse, në vizitat e tij të fundit ka bërë “deklarata provokuese”.
Petkoviç ka thënë se Kosova nuk e lejoi që të qëndrojë në një vizitë dy ditore në Kosovë, të planifikuar më 3 dhe 4 shtator.
“Në kundërshtim me obligimin e marrë dhe zotimin që do të përmbahet nga deklaratat provokuese dhe nxitëse të urrejtjes, ai në vazhdimësi në tri vizitat e fundit haptazi ka përdorur gjuhë të urrejtjes dhe nxitëse, duke kulmuar në vizitën e fundit në inaugurimin e të ashtuquajturit ‘universitetet’ në Mitrovicë të Veriut”, thuhet në një përgjigje nga Ministria e Punëve të Jashtme dhe Diasporës së Kosovës.
Megjithatë, MPJD nuk ka sqaruar se cilat deklarata të Petkoviçit i cilëson si provokuese dhe nxitëse të urrejtjes.
