I dërguari i posaçëm i SHBA-së për Ballkanin Perëndimor, Gabriel Escobar, ka bërë sot një paraljmërim të fortë për të korruptuarit në Ballkan. Ai tha se Shtetet e Bashkuara do të vazhdojnë të përdorin të gjitha mjetet në dispozicion, përfshirë sanksionet, për të ndëshkuar aktorët destabilizues. Sipas tij lufta duhet të vazhdoj për shkak se në Ballkan ka ande shumë të korruptuar që pritet të shpallen non-grata dhe mertiojnë këtë ndëshkim.
“Korrupsioni është problemi më i madh në Ballkanin Perëndimor. Korrupsioni është një kancer që gërryen besimin e qytetarëve në demokraci, zvogëlon instinktin për inovacion dhe kreativitet dhe shpenzon në buxhete tashmë të pakta, gjë që shkurton investimet. Talenti i brezave të tërë po shpërdorohet”, tha Escobar.
Sipas tij, kjo i largon investitorët, duke shtuar se Shtetet e Bashkuara janë të përkushtuara për të promovuar llogaridhënien si dhe për të mbrojtur ata që janë të përfshirë në korrupsion në Ballkanin Perëndimor dhe në mbarë botën. “Shtetet e Bashkuara do të vazhdojnë të përdorin të gjitha mjetet e disponueshme, përfshirë sanksionet, për të ndëshkuar aktorët keqdashës dhe destabilizues, si dhe organizatat dhe kompanitë që i mbështesin ato”, tha Escobar.
Sipas tij, të rinjtë po largohen nga Ballkani Perëndimor për të gjetur punë dhe mundësi në vende të tjera dhe kjo gjendje duhet rregulluar sa më shpejt.
