Kreu i Komitetit të Ndërmjetësimit, u kap në flagrancë duke marrë 300 euro për një vërtetim për azil në vendet e BE-së
Kryetari i Komitetit të Ndërmjetësimit për Bashkëjetesë Kombëtare Ndrec Prenga, është arrestuar në Durrës pasi akuzohet për korrupsion me me dokumentet për azil. Policia Durrës informon se arrestimi i Prengës u bë pasi në afërsi të Ish-Doganës, Tiranë, një shetas, u kap në flagrancë, duke i dhënë 300 € Ndrecës, në këmbim të një vërtetimi fakti që i ka dhënë ky i fundit, me qellim për ta përdorur për të kërkuar azil në vendet e BE-së” informon policia e Durrësit.
Ndrec Prenga është person me preçedentë penalë të mëparshëm , i dënuar për të njëjtën vepër penale. Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale : • ” Korrupsioni pasiv në sektorin privat “dhe”Falsifikim të dokumentave”, në ngarkim të shtetasit Ndrec Prenga, parashikuar në nenet 164/b dhe 186/3 të Kodit Penal. • Korrupsioni aktiv në sektorin privat”në ngarkim të shtetases Sabahet Manuka, parashikuar në nenin 164/a të Kodit Penal.
