Koronavirusi ka përhapur panik edhe në UEFA. Euro 2020 është në rrezik dhe në qeverinë europiane të futbollit nuk përjashtohet shtyrja ose pezullimi i kompeticionit të rëndësishëm.
Rreth kësaj çështje ka folur Aleksander Ceferin, kreu i UEFA-s. Slloveni sqaron situatën në një prononcim për Sky Sports, por nuk e humbet optimizmin.
“Çështja e shtyrjes së Euro 2020 është serioze dhe do të jetë tema kryesore për të cilën do të diskutojmë. Ne organizojmë shumë kompeticione dhe do bëjmë të gjithë llogaritë. Unë mbetem optimist dhe mendoj se do e kemi situatën nën kontroll përpara fillimit të Europianit“, deklaron Ceferin.
