Janë bërë publike shifrat e fundit përsa i përket koronavirusit në Itali. Me lehtësimin e masave, duket që shifrat negative janë rritur.
Sakaq, në 24 orët e fundit janë shënuar 262 viktima, duke e çuar në 31.368 numrin e përgjithshëm të jetëve të humbura në shtetin fqinj.
Ndërkohë janë rritur edhe infeksionet e reja. Gjatë 24 orëve të fundit janë regjistruar 992 raste të reja me covid-19, 104 më shumë se dje, duke e çuar në 223.096 numrin e përgjithshëm të të prekurve me këtë virus.
Në total, në Itali janë shëruar deri më tani 115.288 persona, ndërkohë që 855 ndodhen në gjendje kritike për jetën. Që nga fillimi i pandemisë, në Itali janë bërë mbi 2.8 milionë testime.
