Presidenti i Shteteve të Bashkuara, Donald Trump, ka anuluar Samitin e G7-ës për shkak të krizës me koronavirusin, i cili është përhapur në gjithë globin.
Samiti ishte parashikuar të mbahej në qershor të këtij viti në Kamp Dejvid, pranë Uashingtonit.
Zëdhënësi i Shtëpisë së Bardhë, Judd Deere, tha se udhëheqësit do të bisedojnë “në baza virtuale, në mënyrë që të gjitha ekonomitë t’i përqendrojnë burimet në trajtimin e sfidave shëndetësore dhe ekonomike, që paraqet sëmundja COVID-19”.
G7-ta përbëhet nga: Britania, Kanadaja, Franca, Gjermania, Italia, Japonia dhe Shtetet e Bashkuara, vende këto të cilat po luftojnë për frenimin e pandemisë.
