Kryeministri i Italisë Giussepe Conte ka deklaruar se spitali në veri të Italisë nuk e menaxhoi situatën me koronavirusin siç duhet. Bëhet fjalë për spitalin ku u karantinua personi i parë me koronavirus.
Conte bën me dije se shkaku i përhapjes kaq masive të koronavirusit në Itali është edhe mënyra e menaxhimit jo në mënyrë të duhur, dhe jo sipas protokollit e këtij spitali lidhur me pacientin me koronavirus.
Ai tha se qeveria italiane vijon të luftojë me rigorozitet virusin dhe thotë me siguri që po bëhet maksimumi çdo ditë dhe natë për këtë gjë.
Italia është bërë tashmë kryeqendra e koronavirusit në Europë teksa numëron 7 viktima dhe 231 të prekur.
