Tre persona janë arrestuar nga policia e Korçës, pasi u kapën me 12 kg drogë e llojit kanabis. Në pranga janë vënë Pandeli Gjylapi, Stavri Fani dhe Lorenc Çipi.
Policia sqaron se: Më datë 29.04.2017, në lagjen nr 10 në Korçë, tre shtetasit e mësipërm po lëviznin me mjetin tip “Ford”,me targa AA 315 PT, me drejtues shtetasin Pandeli Gjylapi. Gjatë kontrollit trupor që shërbimet e Policisë kanë ushtruar ndaj këtij të fundit, në xhepin e xhupit të tij, iu gjet dhe iu sekuestrua në cilësinë e provës materiale 2,6 gr lëndë narkotike e dyshuar si Cannabis Sativa.
Në vijim të kryerjes së veprimeve proceduriale në lidhje me këtë rast, gjatë kontrollit të ushtruar në banesën e shtetasit Pandeli Gjylapi u gjet gjithashtu një sasi prej rreth 12 kg lëndë narkotike e dyshuar si Cannabis Sativa, e vendosur në bidona plastikë.
Provat materiale i kaluan Prokurorisë së Rrethit Gjyqësor Korçë për veprën penale : “Prodhimi dhe shitja e narkotikëve, kryer në bashkëpunim” parashikuar nga neni 283/2 i Kodit Penal.
