Kontrabandonin naftë në portin e Durrësit, arrestohen 4 persona

Policia Kufitare e Durrësit ka vënë në pranga 4 persona pasi akuzohen për vjedhje dhe kontrabandë me mallra që paguhet akcizë.

Shtetasit Sadri Haklaj, 31 vjeç, banues në Tiranë; Françesko Gërdeci, 24 vjeç, banues në Shijak; Sadik Krasnaj, 33 vjeç, banues në Durrës; dhe Artur Zhugri, 20 vjeç, banues në Kavajë; janë arrestuar pas një pune hetimore të mirëorganizuar nga Specialistët e Sektorit të Hetimit të Krimeve në Drejtorinë Rajonale për Kufirin dhe Migracionin Durrës.

Të arrestuarit, në Kalatën Lindore, në Ish-Kantierin Detar Durrës janë kapur në flagrancë ku në bashkëpunim me njëri-tjetrin kishin vjedhur me qëllim shitjen jashtë territorit të Portit Durrës, naftë të marrë në anijet e peshkimit”, thuhet në njoftimin e policisë.

Janë sekuestruar në cilësinë e provave materiale:

Vazhdon shpërndarja e ndihmave për 6500 familje në nevojë gjatë Ramazanit

Gjykata e Lartë e Zyrihut përjashton të dhënat e marra nga SkyECC

Samir Mane nën hetim nga SPAK: Biznesmeni, drejt arrestimit për pastrim parash?

Sapo ikën austriakët, Avni Ponari uli dëmshpërblimet e SIGAL për qytetarët e dëmtuar

• dy bidona me një sasi prej 60 litra naftë;
• gjashtë bidona bosh;
• një bateri;
• një pompë me tuba dhe tela të montuar, e cila shërbente për thithjen e naftës nga depozitat.

Sakaq, materialet në ngarkim të tyre i kaluan Prokurorisë së Rrethit Gjyqësor Durrës për veprime të mëtejshme për veprat penale “Vjedhja” dhe “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës” e kryer në bashkëpunim.