“Një farse vulgare, qesharake, por dhe sipas rregullave të mafies për të kapur nga Edi Rama institucionin e fundit të narkoshtetit”, kështu i konsideron ish-kryeministri Sali Berisha negociatat e PS për zgjedhjen e Presidentit të ri të Republikës.
Në një reagim në facebook, Berisha thotë se kyeministri po tenton të kapë kalanë e fundit të pushtetit me zarfe top sekret, emaile me shoqërinë civile dhe takime me opozitën e emëruar.
Edi Rama edhe pse e ka emrin e Presidentit të ri ne zarf, po negocion me opozitën dhe shoqërinë civile për të gjetur pasuesin e Ilir Metës.
“Të dashur miq, i damkosur si kreu i organizatës kriminale të aferës së inceneratorëve aferë e cila ka jehonë të fuqishme në Bruksel dhe Washington, i demaskuar nga Kongresi i fundit të partisë që ishte një copy-paste e tubimeve të Cosa Nostras, i tmerruar nga mundësia e aktit të tradhtisë së lartë të skapit të partisë që mund të marrë për dobësi mbështetjen e tij dhe të PS dhe në vend që të skapi Berishën siç urdhëroi publikisht t’ju kthehet atij dhe narkoministrave të tij, Edi Rama nisi farsën e procesit të kapjes së institucionit të fundit atij të Presidentit të Republikës për të kapur kështu 96,8% të të gjitha pushteteve në Shqipëri. Në këtë proces shpifarak Edi Rama ka vendosur e aplikoj: 1- Emrat në zarfe top sekret që vetëm ai i hapen!”, shkruan Berisha.
Ai gjithashtu shkruan se “Negociata me opozitën e emëruar apo Basho-opozitën mbasi e ka të qarte se opozita e vërtetë nuk do merrte pjesë kurrë në një farse vulgare, qesharake dhe mafioze me të cilën Edi Rama do realizojë pushtetin absolut në Shqipëri”.
Përfaqësia socialiste ra dakord me Fatmir Mediun të shtyje vetëm kohën, ndërsa pritet tashmë edhe takimi me kryetarin e grupit parlamentar demokrat.
