AK i kërkon qeverisë ndryshimin e kritereve aktuale në mënyrë që të hyjnë në treg edhe kompani të reja
Autoriteti i Konkurrencës i rekomandoi qeverisë të liberalizojë tregun e shërbimit të pajisjeve fiskale. Pasi është shqyrtuar raporti i monitorimit të tregut, Autoriteti ka kërkuar ndryshimin e kritereve aktuale në mënyrë që të futen ne treg edhe kompani të reja.
Kriteret në fuqi të vebdosura nga qeveria, një kompani e re hyn në treg vetëm nëse ka një qarkullimin vjetor për 3 vitet e fundit jo më të vogël se 10 milionë euro, dhe pasi depoziton një garanci bankare 500 mijë dollarë. Këto dy barriera e kanë bërë të pamundur futjen e operatorëve të rinj në tregun e paisjeve fiskale. “Eliminimi i këtyre barrierave do të rriste konkurrencës midis ndërmarrjeve” këshillon Autoriteti i Konkurencës. Si rrjedhojë, Komisioni i Konkurrencës, ka vendosur që ti rekomandojë Këshillit të Ministrave dhe Ministrisë së Financave që Vendimi i Këshillit të Ministrave i vitit 2007 të rishikohen sa i takon barrierave ekonomike për qarkullimin vjetor prej 10 milionë EURO për 3 vjet dhe garancisë bankare pesëqind mijë dollarë. Shërbimi i pajisjeve fiskale, ofrohet vetëm nga ndërmarrjet e autorizuara për furnizimin e kasave fiskale, si dhe të autorizuara për mirëmbajtjen e tyre. Çdo person juridik apo bashkim personash juridikë, vendas ose i huaj, që kërkon të pajiset me autorizimin “Shoqëri e autorizuar” për furnizimin dhe mirëmbajtjen e pajisjeve fiskale, duhet të aplikojë pranë Ministrisë së Financave, duke paraqitur dokumentacionin e kërkuar.
