Ish-kryeministri Sali Berisha ka hedhur akuza të ashpra ndaj ministres së Infrastrukturës, Belinda Balluku duke e cilësuar si ministren më të korruptuar në qeveri. Berisha tha nga selia blu se Balluku ka shpenzuar 200 mijë euro vetëm për arredimin e zyrës në një kohë kur vendi është në krizë.
“Belinda Balluku 200 mijë euro arredon zyrën, jashtë çdo imagjinate e ka verbëruar babëzia, urrejtja për qytetarin e thjeshtë. 200 mijë euro për luksin e një zyrë, është vetëm kafeja për Ballukun, kafeja. I dëgjuat kërcënimet energjetike të Edi Ramës, edhe këta tenderat ditore me çmim 2-3 fish në krahasim me bursën vetëm që të ndajnë para me njëri-tjetrin. Rruga Levan Vlorë kushtoi 10 herë më pak se sa unaza apo rruga në fushë që ndërton Belinda. Ikën një superhajdut dhe kthehet Miss hajnia në zëvendësim vetëm për faktin që është konfindente në këto akte”, tha Berisha.
