“Unë kurrë nuk jam ndjerë grek. Unë jam shqiptar dhe ju (grekët) duhet të ma dini për nder që kontribuoj për Kombëtaren tuaj”
Kështu u shpreh mesfushori me origjinë shqiptare, Panajot Kone ose më mirë Gjergji Kone, menjëherë pas reagimeve të shumta në rrjetet sociale të tifozëve grekë, pasi Kone bëri një foto me simbolin e shqiponjës. Kjo foto ka “çmendur” grekët, ndërsa është komentuar shumë në median vendase.
Në një intervistë për median greke mesfushori 27-vjeçar tha se nuk do ta mohoj kurrë faktin se jam shqiptar, sepse do të ishte një nënvlerësim i madh për kombin e prindërve të mi.
“Unë jam rritur në Greqi, mësova dhe u bëra futbollist. Unë luaj për atë skuadër që 10 vjet, por nuk do ta mohojë kurrë faktin që jam shqiptar, sepse do të ishte një nënvlerësim i madh për kombin e prindërve të mi. Unë kurrë nuk jam ndjerë grek. Unë jam shqiptar dhe ju (për grekët) duhet të ma dini për nder që kontribuoj për Kombëtaren tuaj”, ka përfunduar Kone, i cili është lojtar mjaft i rëndësishëm i Greqisë.
