Koncerti i këngëtarit amerikan Kenny Chesney, në një stadium në Denver ka rezultuar fatal për një grua. Ajo vdiq pasi u rrëzua nga shkallët lëvizëse.
Sipas Denver Post, gruaja ishte ulur në pjesën anësore të shkallëve kur u rrëzua dhe vdiq si pasojë e plagëve të marra. Policia raportoi se ngjarja ishte aksidentale dhe se gruaja nuk ishte shtyrë.
Vetë këngëtari reagoi pas ngjarjes së rëndë të shtunën duke shprehur ngushëllimet për familjarët e të ndjerës.
“Isha i dëshpëruar kur mësova për humbjen e dikujt pas shfaqjes sonë. Kishte kaq shumë gëzim, aq shumë zemër nga populli i Denverit mbrëmë. Të dëgjosh këtë është zemërthyese. Jeta është e çmuar. Muzika na bashkon dhe dashuria që ndajmë na bën shumë më tepër. Për zonjën që erdhi ta ndajë atë dashuri, nuk ka fjalë. Për humbjen e miqve dhe familjes së saj, pikëlloj me ta dhe për ta”, tha Chesney në një deklaratë për The Denver Post.
