Autoriteti i Aviacionit Civil shqiptar njofton të gjithë pasagjerët që do të udhëtojnë drejt shtetit fqinj se do të afektohet fluturimi i datës 9 tetor, AZ 510 Romë – Tiranë.
Shkak për shtyrjen e fluturimit është bërë paralajmërimi për protestë disa orëshe nga kompania Alitalia.
Autoriteti i Aviacionit Civil lajmëron se fluturimi i orës 22:00 në datën 9, do të shtyhet 3 orë dhe udhëtimi do të nisë në orën 01:00 të mëngjesit.
Gjithashtu ai i këshillon pasagjerët që të kontaktojnë me kompanitë që kanë rezervuar biletën, për tu informuar për statusin e fluturimit para nisjes drejt aeroportit, në mënyrë që të shmangin pritjet e gjata.
