Pasi Komiteti Teknik i Ekspertëve vendosi rikthimin e maturantëve në bankat e shkollës, Drejtoria e Përgjithshme e Arsimit Parauniversitar vendosi që mësimi të fillojë ditën e nesërme.
Në njoftimin publik të bërë nga Drejtoria e Përgjithshme e Arsimit bëhet me dije se paraprakisht janë marrë të gjitha masat e nevoshjme për zhvillimin e mësimit duke respektuar protokollin anti-Covid.
NJOFTIM I DREJTORISË SË PËRGJITHSHME TË ARSIMIT PARAUNIVERSITAR
Pas sugjerimit të sotëm të Komitetit Teknik të Ekspertëve, Drejtoria e Përgjithshme e Arsimit Parauniversitar (DPAP) informon se mësimi në banka për maturantët e shkollave të mesme në 10 bashkitë (ku deri tani mësimi është zhvilluar “online”), fillon që ditën e nesërme, e enjte, datë 1 Prill, 2021.
Nga ana e shkollave dhe strukturave tona janë marrë të gjitha masat e nevojshme për zhvillimin e procesit mësimor duke pasur parasysh zbatimin rigoroz të masave anti-COVID.
Suksese të gjithëve!
