Komisioni i Posaçëm për Reformën në Drejtësi u mblodh sot me dyer të mbyllura, për të diskutuar projektligjin për ‘vetting’-un, atë për SPAK dhe organet e pushtetit gjyqësor.
25 amendamenet e Partisë Demokratike për gjyqtarët dhe prokurorët, do të shqyrtohen në Komision.
RIVLERËSIMIN KALIMTAR TË FUNKSIONARËVE TË SISTEMIT TË DREJTËSISË NË REPUBLIKËN E SHQIPËRISË
Në mbështetje të neneve 6, 81, 83 pika 1, dhe 179/b paragrafi 10 i Kushtetutës, me propozimin e një grupi deputetësh, Kuvendi i Republikës së Shqipërisë
Në nenin 4 të draftit, flitet për subjektet e rivlerësimit, ku në këtë listë përfshihen sipas draftit, gjyqtarët e Gjykatës Kushtetuese, Prokurori i Përgjithshëm.
Gjithashtu, në listë përfshihen edhe gjyqtarët dhe prokurorët e shkallës së parë dhe të apelit; Kryeinspektori dhe inspektorët e Këshillit të Lartë të Drejtësisë; këshilltarët ligjorë pranë Gjykatës Kushtetuese apo Gjykatës së Lartë, si dhe ndihmësit ligjorë pranë Prokurorisë të Përgjithshme apo gjykatave administrative.
Në pikën 3 të nenit, thuhet se “e humbasin të drejtën e rivlerësimit dhe përjashtohen nga procesi menjëherë të gjithë ata që janë shkarkuar nga detyra me vendim përfundimtar ose kanë dhënë dorëheqjen”.
Në nenin pasardhës, opozita propozon se kush mund të jetë objekt i rivlerësimit. Në draftin e propozuar nga Partia Demokratike, thuhet se “Procesi i rivlerësimit përfshin kontrollin administrativ të tre kritereve: a) Ligjshmërisë së pasurisë; b) Pastërtisë etiko-morale të figurës; dhe c) Aftësive profesionale”.
Në pikën 2 të nenit, thuhet se vlerësimi i ligjshmërisë së pasurisë bëhet në rastet kur zotëron pronësi apo pasuri më të madhe nga ajo që mund të justifikohet ligjërisht.
Organet e rivlerësimit gjatë ushtrimit të kompetencave të tyre janë të detyruara që të bashkëpunojnë dhe mbështesin vëzhguesit ndërkombëtar të emëruar nga Operacioni Ndërkombëtar i Monitorimit, me qëllim që t’i mundësojnë atyre ushtrimin e të drejtave dhe përgjegjësive të parashikuara në nenin B të Ankesit të Kushtetutës.
Organet e përfshira në procesin e rivlerësimit janë Komisioni i Pavarur i Kualifikimit, Kolegji i Apelimit në Gjykatën Kushtetuese dhe Komisionerët Publik. Procesi i rivlerësimit realizohet nga KPK, një organ administrativ i pavarur, me mandat funksionimi 5 vjeçar. Shqyrtimi i ankimeve ndaj vendimeve të KPK bëhet nga Kolegji i Apelimit, një organ gjyqësor i pavarur, me mandat funksionimi 9 vjecar
KPK përbëhet nga 12 anëtarë. Kolegji i Apelimit përbëhet nga 7 gjyqtarë. Institucioni i Komisionerit Publik përbëhet nga 2 komisionerë.
Funksionarët e organeve të rivlerësimit mund të përfitojnë një pagesë mujore shtesë për shkak të vështirësisë në punë, deri në masën 20 % të pagës së tyre, sipas rregullave, në nivelin dhe në rastet e përcaktuara me vendim të Kuvendit.
Funksionarët e organeve të rivlerësimit mund të përfitojnë një pagesë mujore shtesë për shkak të vështirësisë në punë, deri në masën 20 % të pagës së tyre, sipas rregullave, në nivelin dhe në rastet e përcaktuara me vendim të Kuvendit.
Kane mbrojtje të veçantë nga shteti– Funksionarët e organeve të rivlerësimit, personat e lidhur me ta, personeli i organeve të rivlerësimit, si dhe personeli mbështetës i Operacionit Ndërkombëtar të Monitorimit, gëzojnë të drejtën të kenë mbrojtje të veçantë nga shteti për jetën, shëndetin dhe pasurinë e tyre, sipas legjislacionit në fuqi për mbrojtjen e veçantë.
Ku do marrë paratë- Buxheti i secilit organ të rivlerësimit është zë i veçantë në Buxhetin e Shtetit. Kontrolli financiar i organeve të rivlerësimit kryhet nga Kontrolli i Lartë i Shtetit.
