Grupet e punës diskutuan edhe për organizimin e prokurorisë dhe prokurorinë speciale
Grupet e konsultimit dhe tryeza konsultative për Reformën në Drejtësi diskutuan rreth prezantimeve nga ekspertët e Nivelit të Lartë të Grupit të Gjyqësorit, z. Artan Hoxha, znj. Koraljka Bumçi, dhe Arben Rakipi, të projektligjeve për organizimin e prokurorisë, prokurorinë speciale dhe Byronë Kombëtare të Hetimit.
Pas prezantimit, sugjerime dhe komente nga gjyqtarë dhe prokurorë u bënë lidhur me organizimin e Prokurorisë dhe të Byrosë Kombëtare të Hetimit, kompetencat dhe marrëdhëniet e këtyre organeve me institucione të tjera shtetërore, subjekte të tjera publike apo private, si dhe me publikun. Në këtë tryezë, morën pjesë Prokurorë, prokurorë të Krimeve të Rënda, Gjyqtarë të Krimeve të Rënda si dhe përfaqësues të institucione të fushës.
Komisioni i Posaçëm për Reformën në Drejtësi u diskutua mbi organizimin dhe funksionimin e Gjykatës Kushtetuese. Ndërsa, grupet e konsultimit vijuan punën e tyre lidhur me përgatitjen e paketave ligjore në kuadër të Reformës në Drejtësi.
