Paloka: Refuzimi i mazhorancës për këtë hetim është krim ndaj kushtetutës
Me kalimin në kushtetuese të mandatit të dy deputetëve të mazhorancës, opozita ka gjetur një tjetër arsye për të mbajtur peng dialogun me mazhorancën. Kësaj here është kërkesa për ngritjene komiisonit hetimor për CEZ. Kryetari i grupit parlamentar të PD-së Edi Paloka e ka cilësuar krim kushtetues vendimin e mazhorancës kundër këtij komisioni. Për sa i përket pjesëmarrjes në komisionin e reformës në drejtësi, Paloka tha se do të vendosin nesër forumet e partisë. Paloka e cilësoi fitore të opozitës tërjeqjene mazhorancës nga mbrojtja e dy deputëve Leskaj e Suli.
” Ajo letra personale e deputëtëve përdoret për të fshirë atë fytyrën pak të ndotur të mazhorancës në këtë rast, por ne rëndësi ka që mazhoranca u detyruar të tërhiqet nga ky krim kushtetues. Por me zhvillimet e reja ikja nga një krim kushtetues nuk e frenon për të shkuar drejt një tjetër krimi kushtetues, që është ai i mospranimit të komisionit hetimor për CEZ. Sic e dini çështja e Cez është afera më e madhe korruptive e këtyre viteve në Shqipëri nën qeverisjen e Ramës, ku Rama është direk përgjegjës”, tha Paloka.
