Në komisionin e Ekonomisë paraditen e sotme, deputetë socialistë kërkuan nga Ministri Ahmetaj perfundimin e veprave te rëndësishme infrastrukturore duke kërkuar që për vonesat e deritanishme përgjegjësit të japin llogari.Pensionistët por edhe punonjësit e administratës pritet që të përfitojnë rritje të pensioneve dhe pagave gjatë vitit të ardhshëm. Pas kryeministrit Edi Rama garancia vjen edhe nga Ministri i Finanacave i cili në diskutimin për rishikimin e buxhetit paralajmëroi se do të ketë lajme të mira në këtë drejtim raporton Ora News.
Gjatë vitit të ardhshëm punonjësit e administratës por edhe pensionistët pritet të përfitojnë rritje të pagave dhe pensioneve. Ministri Arben Ahmetaj tha se për këto kategori viti i ardhshëm rezervon lajme te mira.
Arben Ahmetaj: “Vetëm me ndryshimin e regjimit fiskal, taksën progresive iu rrit paga reale shtresës së mesme kryesisht. Lajme të mira do të vijnë edhe për pagat, duroni.
Deputetët e maxhorancës ngritën një sërë shqetësimesh në lidhje me përfundimin e projekteve në infrastrukturë në një kohë kur ministri i Transporteve ka dhënë dorëheqjen dhe kur akuzat e opozitës në këtë drejtim jane shtuar.
Erion Braçe: “Kurrë në këtë vend nuk mbahet përgjegjësi për ato që ndodhin. Natyrisht është momenti të paktën të mbahet përgjegjësi kur humbim afate kontraktuale. Së pari është planifikimi, thërmimi i fondeve buxhetore në dhjetra projekte apo mos më tepër. Ky është një problem shumë i madh i trashëguar dhe që duhet zgjidhur. Së dyti klientelizmi.
Arben Ahmetaj: Fondi për rritjen e shumës së kredisë për rrugën Tiranë- Elbasan me 34 mln dollarë të tjera. Kjo e përmbyll problematikën e trashëguar Tiranë-Elbasan. Për dy by-passet mund të thjem që në dijeninë time në ministrinë e Transportit ka një punë intensive për të zgjidhur problematikën që ka lindur me kontraktorët dhe nënkontraktorët.
Por duket se presioni ndaj qeverise tani kur politika ka hyre ne viti elektoral po shtohet nga deputetët të cilet duan përmirësim të punëve publike në zonat e tyre, atje kur pritet të kërkojnë votat për mandatin e dytë të qeverisjes së të majtës
Shkëlqim Cani: Gjykoj se pjesën e mbetur përjashto tunelin dhe urën ti parashikojë në buxhet në mënyrë që të jemi seriozë me premtimin që i kemi dhënë asaj popullsie.
Arben Ahmetaj: Rruga e Arbrit është në qendër të diskutimit qoftë në aspektin e dhënies me koncesion qoftë në atë të vazhdimit nga ana e buxhetit të shtetit në atë segment.
Opozita në komisionin e Ekonomisë u perfaqesua vetem nga deputetja Liljana Elmazi.
