Ndeshja mes Polonisë dhe Shqipërisë në Stadiumin Kombëtar të Polonisë “PGE Narodowy” do të zhvillohet me çati të mbyllur.
Një vendim i tillë është marrë pas takimit të delegatit të UEFA-s me përfaqësuesit e Federatës Polake të Futbollit, raportojnë mediet polake. Është në përputhje me rekomandimet e inspektorit të ndërtimit, megjithëse rekomandimi i tij ishte i ndryshëm.
Për shkak të një defekti në çatinë në Stadiumin Kombëtar të Polonisë të zbuluar para Botërorit në Katar, nuk dihej se ku do të luante kombëtarja takimin e së hënës.
Stadiumi i ka kaluar të gjitha inspektimet dhe ndeshja mund të luhet në kryeqytet. Paraditen e kësaj së hëne është marrë një vendim për çatinë në Stadiumin Kombëtar.
“Çatia në Stadiumin Kombëtar në Varshavë u mbyll zyrtarisht për ndeshjen kundër Shqipërisë. Një vendim i tillë u mor pas takimit të delegatit të UEFA-s me PZPN. Edhe operatori i Stadiumit Kombëtar rekomandoi lojën me çatinë të mbyllur!” – bën me dije federata polake.
