Ministri i Mjedisit, Lefter Koka ka kritikuar bashkitë në shkallë vendi në lidhje me problemin e mbetjeve. Problem kryesor për ministrin përbën bashkia e Durrësit pasi nuk ka asnjë projekt për pastrimin e mbetejeve urbane.
“61 bashkitë e vendit duhet të prezantojnë projekte pranë qeverisë qendrore. Fatkeqësisht me Bashkinë e Durrësit kjo nuk ka ndodhur. Bashkëpunimi nuk ekziston”, është shprehur Koka.
“Me bashkitë që kanë dashur bashkëpunim, ne si qeveri qendrore kemi bërë punë shumë të mira dhe po vijojmë të bëjmë”, ka thënë Koka.
Ministri ka theksuar se, “qytetarët durrsakë kanë nevojë për një klimë më optimiste” dhe se “situata aktuale në këtë qytet nuk është ajo që dëshirojnë”.
