Vendet evropiane mund të përballen me një valë të dytë të pandemisë, pasi nuk ka mbaruar ende, u shpreh zyrtari i lartë i Organizatës Botërore të Shëndetit.
Drejtori për rajonin evropian të OBSH-së, Hans Kluge në një intervistë tha se vendet që po lehtësojnë masat e marra ndaj Covid, duhet të fillojnë të përgatiten dhe jo të festojnë.
Kluge theksoi se edhe pse numri i rasteve në vende si Britania e Madhe, Franca dhe Italia filluan të bien nuk do të thotë se pandemia është në fund. Epiqendra e shpërthimit tani është në lindje, me numrin e rasteve në rritje në Rusi, Ukrainë, Bjellorusi dhe Kazakistan.
“Unë jam shumë i shqetësuar për një valë të dyfishtë, në vjeshtë, ne mund të kemi një valë të dytë të Covid-19 dhe një tjetër të gripit sezonal ose fruthi,” u shpreh Kluge.
