Mjeku i Infektivit Tritan Kalo nëpërmjet një postimi në rrjetet sociale i ka bërë apel politikanëve që të bëjnë më pak politikë për përfitime personale pasi sipas tij kështu na e kërkon “koha covidiane” në të cilën po jetojmë.
Thirrja e tij është si për mazhorancën, edhe për opozitën dhe shprehet se e vetmja PPP që ai dhe “mantelbardhët” e tjerë njohin janë: Profesionalizëm, punë dhe përkushtim.
Ai shprehet se vetëm së bashku do të mund t’ia dalim mbanë, ndërsa e konsideron secilin si pjesë të familjes.
Postimi i plotë i Tritan Kalos:
KOHA COVIDIANE kërkon nga të gjithë JU sëra e politikbërësve MË PAK Politikë për politikë si dhe për përftime politike, qoftë nga Mazhoranca po ashtu edhe nga Opozita….Po kalojmë kohë jo të lehta, dhe kohë të tilla kërkojnë përditë e më shumë: 1- PROFESIONALIZËM, 2- PUNË e 3- PËRKUSHTIM, si e vetmja PPP të cilën unë dhe sëra ime e MANTELBARDHËVE njeh dhe mbështet fuqishëm….”SHQIPËRIA NUK BËHET PA SHQIPTARËT” – shprehej dikur Rilindasi i vërtetë, Sami Frashëri….NUKU jemi miliarda që të mos përpiqemi të vetëmbrojmë jetët tona….JETA E ÇDO SHQIPTARI është e shtrenjtë, e paçmimtë….NËSE ne vetë nuk e rrisim përgjegjësinë ndaj vetëvetes, do të mundet të infektohemi më lehtë nga kjo “FLAMË MBARËBOTËRORE”…. JU DUAM SHUMË dhe ju konsiderojmë secilin prej jush si një nga pjestarët e familjeve tona…..JEMI aty për ju në linjën e parë të përballjes me sfidën COVID-19….NE BASHKË DO TË MUNDET TË JA DALIM MBANË, por BASHKË e vetëm BASHKË!!!
