Gjykata Administrative e Apelit sot dha vendimin për të rikthyer në detyrën e kolonelit ministrin Dritan Demiraj, por Ministrja e Mbrojtjes nuk tërhiqet.
Mimi Kodheli ka vendosur ta apelojë këtë vendim në Gjykatën e Lartë, sapo të marrë të zbardhur vendimin e Apelit.
“Gjykata Administrative e shkallës së parë i ka dhënë të drejtë Ministrisë së Mbrojtjes për vendimin që ka marrë për largimin nga FA të kolonelit në lirim Dritan Demiraj. Gjykata e Apelit vendosi dje të pranojë padinë e kolonelit në lirim. Në këto kushte, mënjëherë sapo të njihemi me vendimin e gjykatës të zbardhur, Ministria e Mbrojtjes do të ushtrojë rekurs përpara Gjykatës së Lartë”, thuhet në njoftimin e Ministrisë së Mbrojtjes.
Demiraj u largua 3 vite më parë nga Mimi Kodheli me argumentin se ishte larguar nga Shqipëria pa leje.
Pas denoncimit të Demirajt në Gjykatën Administartive kërkesa iu rrëzua, por apelimi në Gjykatën Administrative të Apelit shfuqizoi vendimin e mëprashëm duke i dhënë të drejtë.
