Koço Kokëdhima është sulmuar në Kongresin e sotëm të socialistëve, nga ana e kreut të grupit parlamentar, Gramoz Ruçi.
Pa përmendur emrin e tij, Ruçi foli për të “ashtuquajtura projekte pilote” brenda partisë dhe reforma, që sipas tij, po dëmtojnë Partinë Socialiste.
“Unë jam për rregulla të forta dhe domosdoshmërinë e zbatimit të tyre, jam për unifikim dhe zbatim të unifikuar të rregullave të partisë në të gjithë territorin dhe jo për të ashtuquajturat projekte pilote në emër të të ashtuquajturave reformë në parti për të krijuar një çorganizim të organizuar që dëmton frymën, dëmton organizimin dhe veprimin politik. Jam për veprim politik të çdo anëtari të Partisë Socialiste”, tha ndër të tjera ai.
Kjo deklaratë e Gramoz Ruçit mbërrin pas asaj të bërë nga Koço Kokëdhima, i cili foli të enjten në Top Story për një strukturë rajonale në Vlorë e Gjirokastër. Ai tha se struktura shërben për të lehtësuar në gjetjen e burimeve njerëzore të afta dhe të kualifikuar në një hapësirë më të gjerë.
Kokëdhima tha ndër të tjera se kundërshtohet sepse ka reformuar partinë në rajonet ku është koordinator.
Ndërkohë në rrjet po qarkullon kjo foto interesante.
Në të shfaqet Koço Kokëdhima në Kongresin e PPSH-së, krah Enver Hoxhës.
Ndërsa sot shfaqet krah Ramës.
