Zëdhënësja e BE-së, reagon pas deklaratës së kryeministrit Rama për një bashkim të mundshëm mes Shqipërisë dhe Kosovës, nëse Balllani braktiset nga BE
Zëdhënësja e BE-së, Maja Koçijançiç, tha sot se Brukseli e ka bërë të qartë perspektivën e vendeve të Ballkanit Perëndimor dhe se integrimi duhet të bazohet edhe mbi parimin e pajtimit. Reagimi i Koçijançiç vjen pas deklaratës së kryeministrit Rama për një bashkim të mundshëm mes Shqipërisë dhe Kosovës, nëse Balllani braktiset nga BE. Zëdhënësja e BE-së tha se ndërhyrja politike nuk e ndihmon klimën e bashkëpunimit rajonal.
Reagimi i BE-së, vjen një ditë pas intervistës së kryeministrit Edi Rama në prestigjozen “Politico”, zëdhënësja e BE-së për Politikat e Jashtme dhe Sigurinë, Maja Koçijançiç, është pyetur nga mediat serbe në lidhje me deklaratat e shefit të ekzekutivit shqiptar, ndërsa u shpreh se është mjaft e rëndësishme që në Ballkan të mos devijohet nga një sërë parimesh të rëndësishme, siç janë ato të pajtimit dhe të bashkëpunimit rajonal.
Në përgjigje të ligjëratës së Ramës, i cili tha se BE ka një mungesë vizioni për Ballkanin Perëndimor, Koçijançiç theksoi se prespektiva e rajonit drejt unionit është mjaft e qartë dhe është konfirmuar vazhdimisht nga Këshilli Europian.
“Interferenca politike e pengon forcimin e marëdhënieve të mira mes fqinjëve. Ballkani Perëndimor ka një perspektivë të qartë europiane, sikurse e ka konfirmuar së fundmi dhe Këshilli Europian. Ne po punojmë me të gjithë partnerët në Ballkan bazuar mbi parimet e pajtimit dhe të bashkëpunimit rajonal, ndaj ftoj të gjitha palët që të mos devijojnë nga këto parime”.
Zëdhënësja e BE-së iu përgjigj interesit të mediave serbe, për deklaratën e Kryeministrit në lidhje me një bashkim të mundshëm mes Shqipërisë dhe Kosovës, e cila krijoi një jehonë të madhe në skenën politike të Serbisë.
Shefi i ekzekutivit shqiptar tha se bashkimi mes dy shteteve është një mundësi që mbetet e hapur në rast se BE-ja nuk do të lërë të hapur rrugën e antarësimit.
