2015, dëmi ekonomik i prokurimeve u rrit 3.8 herë
Dëmi ekonomik që i është shkaktuar buxhetit të shtetit në vitin 2015 me prokurimet publike është mbi 2.6 miliard lekë. Në vitin 2014 dëmi I zbuluar kishte qenë 678 milionë lekë. Rritjen me 3.8 herë në një vit të dëmit të shkaktuar me tenderat e raporton Kontrolli i Lartë i Shtetit. “Për vitin 2015, kemi rritje të dëmit, i cili arriti në 2,621,594 mijë lekë, krahasuar me 678,118 mijë lekë të konstatuar për vitin 2014, rritje prej 3.8 herë.”- thuhet në raportin e KLSH-së.
Sipas kontrolleve që kanë zhvilluar ekspertët e KLSH ka rezultuar se nivelin kaq të lartë të abuzimit me tederat e kanë favorizuar edhe problemet e sistemit teknologjik të agjencisë së prokurimeve publike. Bllokimi i tenderimeve on line apo abuzimi me to I përkthyer në shifra rezulton të këtë këtë situatë: Vetëm 27 për qind e prokurieve të kryera kanë patur nivel të ulët risku, 35 për qind e prokurimeve kanë mungesë transparence në procedurat e prokurimit dhe 38 për qind e prokurimeve kanë patur risk të lartë dëmi, mosplanifikim të saktë dhe mos efektivitet të fondeve.
