Kontrolli i Lartë i Shtetit ka kallëzuar në Prokurorinë e Vlorës kryetarin e Bashkisë së Himarës Jorgo Goro dhe 13 punonjës të tjerë të këtij institucioni, pasi kanë shkaktuar një dëm ekonomik prej 76.4 milionë lekë.
Në periudhën 01 korrik 2014 deri më 31 dhjetor 2016, KLSH ka konstatuar shkelje në fushën e menaxhimit dhe zbatimit të buxhetit, lidhur me likuidimin e pagesave për punë të pakryera, në fushën e procedurave të prokurimit publik, në zbatimin e punimeve si edhe në fushën e tatim-taksave.
KLSH I ka rekomanduar Bashkisë Himarë disa masa me karakter organizativ me qëllim eliminimin e praktikave me impakt negativ në buxhet si dhe masa për shpërblimin e dëmit ekonomik të shkaktuar në vlerën totale 76.4 milion lekë.
