Pas Bashkisë Vlorë, Kontrolli i Lartë i Shtetit ka publikuar auditimin e kryer në Bashkinë Fier. Në dokumentin e publikuar KLSH kërkon prangosjen e 70 punonjësve të bashkisë për shkak se kanë shkaktuar një dëm rreth 150 milionë lekësh përmes tenderave. Nga kontrolli në fushën e prokurimeve publike, KLSH ka zbuluar shkelje të zyrtarëve të bashkisë me tenderat, në vlerën e 1.4 miliardë lekëve. Gjithashtu, KLSH konstaton se këta punonjës kanë abuzuar me fonde, duke manipuluar shifrat e përllogaritjeve të taksave. Si dhe kanë krijuar lehtësi për kompanitë që kanë marrë pjesë në tendera, përmes procedurave pa kontroll dhe kritere që kërkon ligji.
“17 Masa Organizative; 12 Masa për Shpërblim Dëmi në vlerën rreth 150 milion lekë, konkretisht: Në fushën e zbatimit të kontratave, për punime të pakryuera por të situacionuara dhe paguara; Në fushën e prokurimeve, për vlerësim të gabuar të Ofertave Ekonomike nga operatorët ekonomik pjesëmarrës në procedura; Në fushën e urbanistikës, kryesisht për përllogaritje të gabuar të taksës së ndikimit në infrastrukturë nga shoqëritë sipërmarrëse, realizuese të investimeve me fonde private).
7 Masa për eleminimin e efekteve negative të konstatuara në administrimin e fondeve publike dhe për menaxhimin me ekonomicitet, eficence dhe efektivitet të fondeve publike (3E-të) në vlerën rreth 1.4 miliard lekë, konkretisht: -Për mos pagesë të taksave të infrastrukturës nga legalizimet informale në vlerën 61 milion lekë; -Për mos llogaritjen dhe arkëtimin e taksave në vlerën 120 milion lekë; -Për mos llogaritje dhe vjeljen e gjobave nga Inspektorati Ndërtimor dhe Urbanistikë në vlerën 26 milion lekë;-Për mosllogaritje të takës për zënie të hapësirave publike në vlerën 44 milion lekë; -Në fushën e prokurimeve publike për vlerësim të gabuar të ofertave ekonomike nga operatorët pjesëmarrës në procedura në vlerën 1.300 miliard lekë )
Masa Disiplinore
2 Administrator të Përgjithshëm
2 Administrator të Njësive Administrative
6 Drejtorë Drejtorie në aparatin e bashkisë dhe institucionet e varësisë
5 Përgjegjës Sektori
19 Specialistë
40 Punonjës të bashkisë në cilësinë e anëtarëve të njësisë të hartimit të dokumenteve të tenderit dhe anëtarë të komisionit të vlerësimit të ofertave”, njofton KLSH. Ndërsa kujtojmë se pak ditë më parë u vunë në pranga disa punonjës të Bashkisë Vlorë sërish për abuzim me vendin e punës duke lejuar shkeljet në tendera dhe në lejet e nderimit.
