Këshilli i Lartë i Prokurorisë ka marrë vendimin për pezullimin e përfitimit financiar të ish prokurorit të Krujës, Bujar Memia i cili u shkarkua nga posti në janar të këtij viti.
Masa e pezullimit të pasurisë do të jetë deri në 50% dhe ky vendim do të mbetet në fuqi deri në një vendim tjetër të nxjerrë nga Këshilli i Posaçëm i Apelimit.
ILD argumentoi se prokurori Memia ka kryer shkelje të ligjit dhe ka cenuar figurën e magjistrantit. Në kërkesën drejtuar Këshillit të Lartë të Prokurorisë, ILD u shpreh se ka shqyrtuar mbi 25 vendime ku prokuror ka qënë Bujar Memia dhe ka arritur në konkluzionin se ai nuk ka ushtruar detyrën në përputhje me Kushtetutën dhe ligjin.
Memia, gjithashtu akuzohet se nuk ka vepruar pas lirimit nga burgu të Hekuran Billës. Inspektoriati i Lartë i Drejtësisë në gjetjen e tyre kanë kërkuar që në fillim shkarkimin e Prokurorit të Krujës duke argumentuar se ka mbajtur qëndrime të dyshimta duke rënë dakord me lirimin e Billës nga Gjykata e Krujës.
