Pakti i Mirëqenies Sociale, që merr përsipër të transferojë fondet pranë pushtetit vendor, është firmosur me bashkitë e qarkut Berat dhe Ministrisë së Mirëqenies Sociale.
Ministri i Mirëqenies Sociale, Blendi Klosi tha se projekti do të shtojë edhe kontrollin dhe standardin e cilësisë së institucioneve që ofrojnë shërbimet për njerëzit në nevojë.
Pakti i Mirëqenies Sociale do të sigurojë edhe bashkimin të gjitha këtyre përpjekjeve në një.
“Pushteti vendor tashmë merret përsipër që fondi social, i cili tashmë është i garantuar dhe me ligjin e ri të përkujdesit shoqëror, është një fond që do të përdoret vetëm në shërbim të qytetarëve, të cilët kanë nevojë për dorën e shtetit. ky pakt që firmosëm sot është një pikënisje shumë e mirë e një strategjie të tërë se si t’u shërbesh qytetarëve në mënyrë të barabartë”, tha Klosi.
