Lidhur me ngjarjen e rëndë të ndodhur në fshatin Xibër të Bashkisë së Klosit, policia ka dhënë detajet e ngjarjes.
Mësohet se dy vëllezërit Sali Dakuci dhe Kujtim Dakuci kanë nxjerrë armët dhe për pasojë ky i fundit 55 vjeç, bashkë me të birin Flogert Dakuci, 17 vjeç humbën jetën. Por, më pas edhe Sali Dakuci ka vrarë veten.
Mësohet se konflikti i tyre për pronën ka qenë i hershëm.
Policia e Klosit/ Informacion paraprak
Me datë 01.10.2019, rreth orës 14.24, në fshatin Xibër, Bashkia Klos, në rrethana ende të paqarta shtetasi S.D, ka vrarë me armë zjarri pistoletë kushëririn e parë, shtetasin K.D dhe djalin e këtij të fundit shtetasin F.D dhe më pas shtetasi S.D ka vrarë veten.
Grupi hetimor ka shkuar në vendngjarje dhe po punon për zbardhjen e plotë të ngjarjes.
