Janar-prill, 40% më shumë kërkojnë të mbyllin aktivitetin
Në 4 muajt e parë të këtij viti, mbi 2200 biznese kanë bërë kërkesë për t’u çregjistruar në Qendrën Kombëtare të Biznesit. Një vit më parë në QKR ka patur 1500 kërkesa të tilla, cka tregon se numri I atyre që duan të largohen nga biznesi është 40 për qind më i lartë se një vit më parë. Saktësisht sipas të dhënave zyrtare shifrat në total janë 2,217 çregjistrimeve nga 1,578 të tilla që u llogaritën në të njëjtën periudhë të një viti më parë. Nga një vëzhgim në disa nga rrugët kryesore të Tiranës konstatohet lehtësisht mbyllja e një sërë biznesesh të tregtisë. Rritja e numri të çregjistrimeve i referohet një sërë shkaqeve, duke përfshirë këtu, siç thonë edhe vetë tregtarët edhe rënies së shitjeve e shtimit të barrës së taksave vendore.
Sipas të dhënave të QKR-së gjatë periudhës janar – 10 prill 2016 me ulje ka qenë edhe ritmi i rritjes së bizneve të reja. Në total numri i bizneseve të regjistruara u llogarit në 7,091 ose 3.3 % më shumë se e njëjta periudhë e vitit të kaluar. Referuar të dhënave kjo shifër rritjeje (3.3%) është më e ulët se ajo e shënuar në janar dhe shkurt të këtij viti, përkatësisht 13% dhe 9.1%. Efekti neto i regjistrimeve si katër mujor ishte plus 4,874 biznese. Në total, në rang vendi numri i bizneseve akive llogaritet në 193,028.
