Këshilli i Lartë Gjyqësor ka caktuar gjyqtarin e tretë për procesin gjyqësor të Emiljano Shullazit dhe grupit të tij.
Pas largimit të Saide Dollanit, Valdete Hoxha është një nga tre gjyqtaret që do marrë në dorë këtë çështje.
Hoxha është gjyqtare pranë Apelit të Krimeve të Rënda. Ajo ka gjykuar më parë çështjen e Izet Haxhisë, por kërkoi të dorëhiqet nga kjo çështje me argumentimin se kanë konflikt interesi.
Emiljano Shullazi është dënuar me 14 vite burg nga Gjykata e Krimeve të Rënda. Bashkë me të janë dënuar edhe grupi i tij, përfshirë edhe Gilmando Danin.
Pas dënimit nga Gjykata e Shkallës së parë, grupi i Emiljano Shullazit e apeloi vendimin, i cili vijoi të zvarritet për mungesë të trupës gjykuese.
