Nga Gjergj Marku
Klejdi Gjeta, 16-vjeçari që ndërroi jetë natën e ndërrimit të viteve në Kurbin, pikërisht prej marrëzisë që manifestohet nga disa persona në Kurbin duke “përuruar” festen e madhe të ndërrimit të Moteve me kallashnikovë, nuk e meritonte këtë fund.
Dhe prej faktit se familja e tij ka hequr jo pak taksirate. Nuk di si ta ngushëlloj babain e tij Ndrecën, një person aq i dashur dhe punëtor (kushëri imi), që me jetë të ndershme në kufinjtë ekstreme të mbijetesës, ia kishte dalë të përballonte edhe fatkeqësite dhe jo pak probleme që e kanë ndjekur familjen e madhe të tij prej vitesh.
Klejdi ishte gëzimi i familjes, i shuar padrejtësisht mbi çatinë e shtëpisë kur të gjithë e prisnin në sofrën e festës, ndërsa e gjetën lart në tarracë në “Sofren e vdekjes” të goditur nga ndonjë plumb qorr, sipas gjasave, që derdheshin pa adresë gjithandej Kurbinit.
Kur dreqin do zemë mend si shqiptarë, për të mos iu drejtuar armëve edhe për festa?!
