Ndarja e Amber Heard dhe Jonny Depp ishte një nga ndarjet më të përfolura.
Ish bashkëshortja e aktorit vazhdimisht pretendonte se ai e kishte dhunuar dhe mundohej të paraqiste edhe fakte për këtë, por nuk ishin të paktë ata që nuk e besonin dhe i jepnin të drejtë Depp. Por tani pasi kanë kaluar plot tre muaj nga ndarja e tyre, TMZ ka publikuar një video të cilën e ka regjistruar vetë Amber ku Depp duket shumë i dhunshëm.
Në këtë video aktori duket i xhindosur duke u vërtitur nëpër kuzhinë dhe duke përplasur dollapet. Gjithashtu dëgjohet teksa shan në mënyrë të përsëritur dhe duke thyer gota në dysheme.
Është e qartë se mes tyre ka tensione dhe gjatë videos dëgjohet Johnn teksa i thotë: “Do të shohësh një çmenduri? Ta tregoj unë çfarë është çmenduria!”, ndërkohë që e kap se Amber po e xhironte dhe ia rrëmbeu celularin. Pas kësaj videoje, me siguri ai duhet të bëjë gati një mbrojtje më të mirë.
