Ish-deputeti Klevis Balliu ka reaguar mbi ngjarjet kriminale të ndodhura së fundmi në vend. Ai shprehet se këto ngjarje po e kthejnë Shqipërinë të rrezikshme për jetën e qytetarëve.
Ndërsa thekson se Policia e Shtetit është inegzistente dhe sipas tij segmentë të shumtë të saj janë të inkriminuara.
“Situata e sigurisë në vend është e trishtueshme. Ngjarjet kriminale po e kthejnë Shqipërinë të rrezikshme për jetën e qytetarëve. Vetëm muajin e kaluar janë trefishuar ngjarjet kriminale krahasuar me një vit më parë, çka ka sjellë dhe 16 humbje jete të qytetarëve, mes tyre dhe ngjarja e rëndë ku humbi jetën një 7 vjeçare teksa pushonte në bregdet. Ndërsa bandat janë “Zot” në rrugët e vendit, Policia e Shtetit është inegzistente, ndërsa segmentë të shumtë të saj janë të inkriminuara”, shprehet Balliu.
Në çdo ngjarje kriminale sot del një apo disa efektivë policie të lidhur me njërën apo tjetrën bandë.
Sipas tij “në 13 ngjarje kriminale, autorët janë në drejtim të paditur, dhe Policia nuk bën asgjë ndërsa duket e dorëzuar. Kjo situatë ALARMANTE e sigurisë kërkon zgjidhje EMERGJENTE”.
