Aktivistja Elona Caslli nëpërmjet një postimi në faqen e saj në facebook ka publikuar një foto që pretendohej të ishte bërë ne Korenë e Veriut, por në të vërtetë ajo foto është shkrepur në qytetin e Gjirokastrës më 18 shtator 2019.
POSTIMI I PLOTË:
Tmerr nga- Kastriot Dervishi
Kjo foto nuk është në Korenë e Veriut
Fotoja është shkrepur më 18 shtator 2019 në Gjirokastër. Festohet në qytetin e zbrazët, 75-vjetori i “çlirimit”. Kudo yje të kuq komunistë. Kanë ardhur me autobusë nga Tirana. Hanë mish pa tollona e kërcejnë për ditët e lumtura që solli “çlirimi”. Ishte rast i mirë për të promovuar simbolet komuniste, qëllimi kryesor i gjithë përkujtimeve të këtij lloji. I kanë veshur fëmijët si pionierët koreanë të Kimit. Kushedi çfarë u kanë përrallisur për luftra të mëdha të bëra këtu. Dhe fëmijët nuk e dinë se mbartin uniforma të regjimeve totalitare terroriste komuniste. Mos thoni pastaj që nuk dinë gjë. Nuk ka rastësi te veprimet e vemjeve enveriste. Janë kujdesur që kjo foto të mos ishte e njohur për publikun.
